An experience worth sharing :)

Some moments are made worth living in our lives. We just have to identify the right time and make the most out of it. What I want to share today is not something usual for me but made me change the whole perception making random decisions and not regretting them :) I feel I will be more expressive and comfortable in putting it in roman so that the whole feel associated with it could reach you all.

“Mera October k last week mai Lahore gayee. Qissa yeh bhi hai k iske sath aik condition thi. Yeh mera pehla experience tha ke mai akele travel ker rahi thi. Lahore se 3 doston ke sath Ali pur gayee jo ke Multan k qareeb aik chhota sa sheher hai. Mai kaafi excited thi kiu ke mai aik school ki reconstruction k project k silsile mai gayee thi jo k flood affectees k lye banaya ja raha tha aur hamari organization ne uske lye funding ki thi. Lahore se Ali pur tak ka safar agar mai summarize kerna chahoon to bas mai yeh kahun gee k mai ne qudrat ko aur Pakistan ko buhat qareeb se pehli baar dekha. Mujhe yaad ha mere saare dost so rahe thay aur mai gaari se bahar chhote chote ghar, kapas ki fasal, khait khalyan, dhaabe, kachi sarak aur logon ko dekh rahi thi. Aik ajeeb si muskurahat thi mere chehre pe yeh sab dekh ker. Jaisa k mai kisi dusri dunya mai aa gaye hun. Sheher mai buhat halchal hotee hai, har koi apne kaam mai magan subah se shaam bas kaam hee kaam kerta rehta hai. Zindagi se larta jhagarta hai. Aik ajeeb bechaini se hotee hai sheheron mai jo gaoon mai nahi hotee. Na wahan internet hai, na phone hai, na entertainment ka koi aur zarya hai. Mgar zindagi buhat pur-sukoon hai. Jahan raat mai aasman pe buhat saare taare nazar aate hain, thandi thandi hawa chalti hai, subah ka sooraj aik nayee umeed k sath tuloo hota hai aur sham ka sooraj apne saath saare gham le k doob jata hai. Mera bara dil chahta tha k gaoon k kisi ghar mai aik din rahun. Un ke sath beth k baajre ki rotee, saag aur lassi piyun, unke ghar k kaam karu, sham ko autaaq mai sab aurtein beth k baatein kerain aur geet gaayen. Apne apne qisse sunayen aur raat ko thandi hawa k jhonke mujhe lori de k sulaen. Zindagi yehi to hai, kubsurat!

Yeh saal hee kuch aisa raha k is ne mujhe zindagi k buhat saare naye pehlu dikhaye. Jis k lye mai ALLAH ka jitna shukar karun wo kam hai. December ke dusre hafte mai mera Islamabad jaane ka itefaq hua official trip pe. Kafi acha raha. Kafi learned logon se seekhne ka moqa mila. Zindagi rahi to wo bhi zaroor share karun gi magar abhi is post ki highlight kuch aur hai. :) Mai ne plan kia tha k wapsi pe Multan se hotee hui aaun gee, apne do doston se mil k. Plan kuch settle hota dikhai nahi dia kiu ke flight jaldi kar di gayee thi. Maine buhat socha aur phir yeh tay kia k agar niyyat ki hai to phr jana chahye. flight delay karaee aur by road Pindi se Multan k lye nikal gayee. Yeh tha mera pehla akele road trip wo bi 8 ghante ka. Mera bara armaan tha hamesha se k mai motorway dekhu jiske donu taraf khubsurat pahaarian hain. aur seeedhi road aage ja k G.T road se milti hai. Jaise hee motorway ayee, mere mou se siwaye SUBHANALLAH k aur kuch na nikla. Itne khubsurat pahaar, neela aasman aur us pe slowly chalti hui hamari bus, jaise k mai jannat ki kisi waadi ka tour ker rahi hun. Mujhe yaqeen hai k mere sathi musafiron ne mera khoob mazaq uraya hoga kiu k mai paglon ki tarah band khirki se tasveerain le rahi thi khali road ki. Shayad unhe yeh malum nahi tha k yeh mere lye kitni special chiz hai. Mai ne apne safar ka har k lamha jiya. Kul mila k bus 3 stops pe ruki. Pehle stop pe mai bus se utri, fresh hui, aas paas k area mai walk ki aur apni tasverain lena shuru ker dee. K na jane mai phr kab is jagah pe aaun gee. Aakhir kaar mai Multan puhanch hee gayee. Dosto se milne ki khushi to buhat ziada thi magar is baat ki bhi khushi thi k mai ne akele 8 ghante ka safar MASHALLAH pura kar lia. Mere paas sirf chand hee ghante thay. Amazing sa pizza hut, Multan mai aur garma garam khaana woh bhi 8 ghante ki bhook k baad buhat bari naimat lag raha tha.

Phir hua asal tour shuru. Mere doston ne mujhe Multan sheher dikhaya.”

If you want to know how was my short yet life changing trip to Multan was, read the next post right after this one :)

Advertisements

One thought on “An experience worth sharing :)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s