An experience worth sharing-2

For all those who haven’t read my previous post, please go through it because this post is in link with this one.

“Mere paas sirf 6 ghante aur kuch minute thay Multan mai guzaarne k lye. I wanted to make the most out of it. Mere lye Multan bilkul naya sheher tha. Wahan ki sarkein, loag, hawa, mausam, yahan tak k wahan ki fizza se mai bilkul waqif nahi thi. Multan puhanchi to mere bare azeez dosto ne mujhe welcome kia. Halanke wo meri bewaqufi pe hans bhi rahe thay magar phr bhi unho ne meri halat e zaar ka khayal kerte huay mujhe Multan k best Pizza hut ka darshan karaya. Mai kafi heraan hui yeh dekh ker k itna well built Pizza hut Multan mai exist kerta hai. Yeh mere lye aik seekh thi. Kabhi bhi kisi chiz k baare mai judgment dene se pehle uska evaluation dena buhat zaroori hai. Karachi mai rehne ki wajah se mein ne har jagah ko Karachi se compare kerna shuru ker dia tha jo k aik tarah se theek nahi. Har jagah ki apni ehmiyat aur apna charm hota hai. Aur Multan ka charm hai Hafiz ka sohan halwa aur Mazaar :).

Khaane se farigh hone k baad ham ne socha k kahan jaya jaaye. Sham hone lagi thi. Jumme ka din tha. Qismat ki baat yeh k tamam markets us din band thay. Ab aap sochain, aik khatoon jin ko shopping ka craze ho wo kis tarah se shopping kye bagher Multan se ja sakti thi :) Aik do shops nazar ayeen jahan pe kaula puri chapals ka khazana tha. Meri to ankhen kheera ho gayeen. 6 joray pasand aaye magar jaib aur halaat ko samne rakhte huay mai ne 2 pe hee iktifa kia . Dil to chah raha tha k yeh dukaan utha k karachi le jaau magar har chiz to apke bas mai ho nahi sakti . hai na ? :)

Aap Multan jaayen aur halwa na laayen to yeh tauheen hai apke safar ki. Mere tour guide aur mere dost mujhe Riwari ki dukaan pe le gaye jahan EID ka sa samaan tha. Mai ne pucha k kia aaj shab raat hai jo itna rush laga hua ha? To mujhe bataya gaya k yahan har waqt hee majma laga rehta hai. Mai yeh dekh k bari impress hui. Na jaane kon kon se qisam k halwe mujhe tohfe mai dye gaye jo mai ne ghar aa ke sab ko khilaye aur waah waahi wusool ki :)

Mujhe is baat ka bilkul andaza nahi tha k kisi mazaar pe jaa ker kesa lagta hai. Mere andar hamesha se aik khof sa tha. Ke na jaane mujhe kuch ho jaye ga, wahan pe log baadtamizi kerte hain , waghera wagera. Shayad bachpan mai aik aad baar mazar pe jaane ka itefaq hua tha magar us waqt itni samajh nahi thi. Andhera ho chuka tha. Ham ne apni gaari aik jagah park ki jahan kafi sannaata tha. Wahan se Shah Rukn-e-Alam ka mazar kuch 10 minute ki walk pe tha. Mujhe awal to yaqeen nahi ho raha tha k mai us imarat ko dekhne ja rahi hun jo mai ne apne Bachelors k pehle semester mai presentation banate waqt dekhi thi. Multan ki blue pottery aur architecture mujhe hamesha se fascinate kerta tha aur meri dereena khuahish thi k mai wahan jaau aur is khubsurti ki tareef karu. Khair us 10 minute ki walk k doran mere mou pe bas aik hee jumla tha k mujhe bas darr lag raha hai. Jaise hee mazar mere saamne aya, aik pal k lye mai aik dam sakte mai aa gayee. Mere mou se siwaye SUBHANALLAH k aur kuch na nikla. Mere dost ne ishara ker k kaha k andar jaa k dua karte hain. Ham ne chapal utaare aur mazar k andar daakhil ho gaye. Har taraf se ALLAH paak ki sana ki awazien aa rahi thi. Aisa mehsoos ho raha tha jaise meri rooh ko mere andar se nikaal kar us per se dhool matti saaf ki ja rahi hai. Dua karne k maqaam per mai ne ankhen band keen aur durood paak parhne k baad meri kuch samajh nahi aa raha tha k aakhir mai ALLAH se kia maangu. Mera wujood, meri rooh, meri poori zaat us waqt aik kashmakash mai thi k ALLAH Paak sab dilon ka haal janta ha, sab ka raazdaan hai. Mere andar aik thehraao aik sukoon sa utarne laga tha. Mai ankhen kholna nahi chahti thi k mere shaane pe mere dost ne hath rakha aur kaha k chalo Kulsoom. Jab ham bahar aaye to ham ne kuch der mazaar k bahar guzara jahan se Multan sheher nazar aata hai. Mai rona chahti thi, cheekh ker apni khushi ka izhar karna chahti thi, saari bechaini saare gham wahan chorr k us sukoon ko samaitna chahti thi. Aur shayad mai kisi hadd tak kamyab bhi rahi. :)

Mai ne apne andar aik change mehsoos kia hai. Ab har chiz ko dekhne ka nazarya badal gaya hai. Mai wohi kerti hu jo mera dil kehta hai, mai wohi sochti hun jo k ma sochna chahti hun. Aik stability aa gayee hai apne faisle lene ki, logon se deal kerne ki, jazbaat ko handle kerne ki. Mai nahi janti k kia mera wahan jaana isi maqsad k lye tha k mai zndagi ki nayee shuruaat ker saku ya phr mehez aik itefaq. Magar yeh aik aisa trip tha jo k mai zindagi bhar yaad rakhu gi, for sure :)”

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s