Raabta!

( I have been reading Ashfaq Ahmed Sahab’s book Zavia. It is indeed a master piece but certainly, it has been more than a book to me. It has turned my life to a new way, made me think quite a few things, helped me learn the realities of life and above all, made me talk to myself and GOD! This post is a tribute to him. )

“Khuda ne insaan ko aik individual ke torr pe paida kia hai.. aur usay aik khandaan, aik zaat, aik ilaaqe, aik qoum, aik mulk aur is dunya se munsalik kar dia hai. Is gharz se ke insan aik doosre ko pehchan sake, apne aap ko kisi se relate ker sake aur rawabit qaaim kar sake. Raabta insanon ko aapas ma jorr ker rakhta hai. Yeh aik do tarfa amal hai jo k na sirf insanon k darmiyan apas mai hota hai balke insan aur khuda ke darmiyan bhi hota hai

Buhat se aise waaqiat hote hain jo apko aise insanon ki yaad dilaate hain , jinhon ne zindagi mai apke lye kabhi kuch kia ho. Chalen apke lye na sahi, apne liye hee kia ho aur apko bataya ho. Jis se apko kuch seekh mili ho. Yeh khuda ka apse raabta karne ka tareeqa hai. Jab apko kisi maqam per haar mehsoos hotee hai, ( Mai haar ka mehsoos hona aik wajah se keh rahi hun ), aap na umeed aur mayus ho jaate hain. Rona bhi aata hai. Ghar waale, dost, ehbaab , sab hee buray lag rahe hote hain. Cheekh cheekh k apnee har ka jashan manane ka dil chahta hai. Ghusse se apni azeez tareen chizon ko patakhne ka dil chahta hai. Dil chahta hai k dunya meri muthi mai aa jaye aur mai usay bheench k khatam kar du, apne gham ki har wajah mita doon. Aik sakoot sa taari ho jata hai jab out of no where apko apne dost ki haar yaad aa jati hai jo usne apke sath share ki ho. Phir apko apnee haar k level ka andaza hota hai. Ke goya meri haar to uski haar k muqable mai kuch bhi nahi. Mai ne hee to usay uski haar ke waqt wo saari kitaabi batein suna ke uske dil ka bojh halka kia tha , usay sahara dia tha, uske chehre ki muskaan lotayee thi, usay pyar kia tha. Bas yun samjhye ke yeh khuda ka aik tareeqa hai apse baat karne ka, apko samjhan ka, ehsas dilaane ka ke woh aapke paas hai aur har pal apki madad ke lye raazi betha hai. Usne hamain akela nai chhora. Shayad ham hee nahi samajh paate.

Ham logon ke peeche bhaagte rehte hain. Koi hamain samjhe, koi hamai chahe, koi hamare kahe baghair hamari baat samajh jaaye, hamari khuwahishat uski hon, uske khaab hamare hon, zindagi rangeen ho aur yunhi hansi khushi guzar jaaye. Hamara muhabbat karne ka aur jatane ka tareeqa bas nafsaani aur maadi banta jaa raha hai. Jise muhabbat kehna hee ghalat hai.

Insaan chahe jitne rishte qaaim kar le, jitne logon se taaluqat bana le, jitne aastanon pe qayam kar k peeri mureedi ikhtyar ker le, akhir kaar wo Tanha hai… Khuda ne har insaan ko akela paida kia hai. Aik aisa insaan jo ke dunya mai moujood baqi tamam insanon se alag hai. Unique hai. Juda hai. Har insan ki paidaaish tanha hai aur uska wisaal bhi tanha hai. Uski qismat bhi aik hai aur uske amaal bhi apne hain. To phir dunya ke logon, dunya ki chizon, dunya kee aasaishon se lau lagane ka kia faaida. Muhabbat to us zaat se honi chahye jis ne maa se 70 gunah ziada pyar dia. Jisne insan ko mukamal banaya. Jisne har taraf se insan kee aasaish ka khayal rakha. Jis ne insan se raabte ki koshish ki taake Wo us se puch sake k aye mere bande! Kaheen tujhe kisi chiz ki zarurat to nahi? Magar banda hai k us awaz ko us pukar ko sun hee nahi paata.. Kiun k woh nadaan hai. Usay Khuda ki zaat ke Waqaar ka ilm nahi. Uske pyar ka ilm nahi. Uskee meherbani ka ilm nahi. Khuda usi waqt insan se raabta karta hai jab Insan usay raabte kerne ki chahat dikhaye. Aur agar aik baar yeh rabt ban jaaye to insan apne aap ko paa leta ha! ”

Spread the love!

Advertisements

2 thoughts on “Raabta!

  1. Abdullah Syed says:

    such a splendid read!! haye.

    i’d like to add that to be loved, you have to love yourself first. look inside. give yourself the love you deserve. love Him. and all the people, this world, the entire universe will love you. that simple.

  2. kulsoom says:

    Thank you so much :)

    I agree with the fact that self love is very necessary in order to spread the love to the people around you. Its just that with so much of worldly desires around us, we have forgotten to have faith and confidence in our own selves and that shuts down all the connections that one wants to make . Thanks for your feedback. :)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s