Shikwa…

Here is another piece of poetry that I wrote in 3 nights. I tried to write something different this time, perhaps giving it a touch of romanticism. I have been reading Parveen Shakir these days so it might look like bit of her influence too.

Its called..

SHIKWA!

Mujhe Maloom hai tum Be-zarar baatein nahi karte.
Tumhare geet mere aks ki roodad kehte hain.
Mujhe tum ab bhi raahon mai kaheen awaaz dete ho.
Jo mera naam lete ho..
Tou sannaata kaheen chehre pe mere aa bikharta hai..
Mujhe bas thaam leta hai..
Mujhe tum youn satane ki ziyafat kiu nahi karte..
Muhabbat kiyun nahi karte?

Mujhe maloom hai tum mehfil-e-jaanan ki ronaq ho..
Jo mujhko hai nahi manzoor..
Kisi mehfil mai jo tum bin piye behka diye jaao..
Tou mere hee tasawur se tumhe mehsoos yun hoga..
yeh mera lams , mere qurb ka labrez pemaana..
Meri khushbu tumhe tab is qadar mehsoor ker de gee.
Ke tum apne tasawur ko bhi na pehchan paao ge..
Mujhe tum dagmagane ki shararaat kiyun nahi karte..
Muhabbat kiyun nahi karte?

Kabhi mai rooth jaaun bin bataye tum se aye janaan,
Ke soz o gham se meri ankhen bhi pur-namm si ho jayen..
Tou yeh mehsoos hota hai ke tum aa ke manao ge.
Wo mera haath thamo ge, mujhe banhon mai bhar lo ge..
Magar mai naaz nakhron se tumhe pal pal satau gee..
Mai sab kuch bhool jau gee..
Jo tum shiddat se meri godh mai sar apna rakh ker yun,
Buhat ansoo bahao ge..
Mai tumse rooth jaau tou shikayat kiyun nahi karte?
Muhabbat kiyun nahi karte?

Mujhe maloom hai ke tum bare be parwah raahi ho..
Kaheen rokay nahi rukte..
Na tum ko manzilain manzoor hain na raaste manzoor.
Ajab hai daastan yeh bhi..
Tasalsul torr do is waaste ke mai behel jaau,
Zara see mai sambhal jaau..
Woh umeedain, woh ranjishain, shanasayee-o-bandishain..
jala ke mai bhi jal jaau, pighal jaau..
Mai marr jau..
Mujhe tum bhool jaane ki Himaqat kiyun nahi karte?

Muhabbat kiyun nahi kerte?
Muhabbat kiyun nahi karte? 

Advertisements

40 thoughts on “Shikwa…

  1. M.Babar says:

    Great… i am not that poetry reader but still it really sound’s grt..
    Have u ever red peer e kamil by umerah ahmed.. if not then do read it !

  2. Wow api awesome i’ve a piece of poetry as well.
    Usse apne fardaan ki fikar thi,
    Wo jo mera waakif e haal tha,
    Wo jo uski subha e urooj thi,
    Wohi mera wakt e zawal tha,
    Meri baat kese wo manta,
    Mera dard kese wo jaanta,
    Wo to khud fanaa k safar pe tha,
    Usse rokna bhi muhaal tha,
    Mein ye pooch pooch kar thak gaya,
    Mujhe chor kar kahan jao ge,
    Wo jawab mujhko na de saka,
    Wo to khud saraapa e sawal tha,
    Wo mila to sadiyun k baad bhi,
    Mere lab pe koyi gila na tha,
    Usse meri chup ne rula diya,
    Jisse guftagu main kamaal tha………

  3. Khalid Ayub says:

    No wonder it took 3 days to complete.
    Ik khalish, ik pyaas, ik alag ehsaas……. kia kahein kia na kahein!!!!
    Buhat khoob likha janab, daad qubool farmaiye.

    Jawab-e-Shikwa to nahi per apni ik nazm aap ki is nazm k naam….

    Main jaanta hoon hamnafas…

    Chaand ab bhi sar-e-shaam nikalta ho ga
    Chaandni ab bhi terey ghar mein utarti ho gi
    Tu ab bhi ratjagoon mein baal kholey huye
    Ghar kay aangan mein chaandni se nahati ho gi
    Teri zulfoon ki chamak sey ghabra kar
    Chaandni ab bhi maand parti nazar aati ho gi
    Par ab kon dabey paaaon aakar,
    Chupkey sey terey wujood ko baahoon mein bhar kay
    Teri zulfoon ki ghani lathoon sey khelta ho ga?

    Khushi ab bhi terey aangan mein jhilmilaati ho gi
    Tu ab bhi bholey pan sey muskaati ho gi
    Khil uthta ho ga teri muskaan sey gulshan sara
    Guloon ki daaliaan sharma kay bal khaati hongi
    Ik ik kali jhoom kay lehlahati ho gi
    Par ab kon dabey paaoon aakar,
    Teri aankhoon pay hatheliaan rakh kar
    Pyaar sey tujh ko satata ho ga?
    Aur phir khud kay pehchaaney jaaney par
    Terey saath der talak hasta ho ga…

    Bahaar ab bhi terey aangan mein ghir aati ho gi
    Barasti boondoon mein tu ab bhi nahaati ho gi
    Uchalti koodti, kushi sey khil khilaati ho gi
    Kia ab bhi tera pair phisalney pey koi
    Dour kay tujh ko baanhoon mein apni bharta ho ga?
    Kia ab bhi tu un garm baanhoon mein,
    Sharma kay kasmasaati ho gi?

    Kia ab bhi teri choorioon kay khanak jaaney par,
    Kisi aashiq kay dil kay taar bajtey hein?
    Kia ab bhi terey wujood ki khushbu sey,
    Kisi deewaaney ki har saans mehek jaati hai?
    Kia ab bhi kisi kay chooney sey,
    Teri har saans behek jaati hai?
    Kia ab bhi terey kaali ghata sey baaloon ko,
    Pyaar sey koi choomta ho ga?
    Kia ab bhi teri jheel si gehri aankhon mein,
    Doobnay ka, kisi ka mann karta ho ga?
    Kia ab bhi terey masoom sey pyaarey chehrey ko,
    Koi PAGAL kai pehroon talak takta ho ga?

    Kia ab bhi sard shaamoon mein,
    Koi aaghoosh mayassar hai tujhey?
    Kia ab bhi barasti aankhoon ko,
    Koi daaman ponchta hai kabhi?
    Kia ab bhi thandi aanhoon ko,
    Garm saansoon sey rondta hai koi?
    Jis qadar pyaar, main tujh sey karta tha
    Utna hi pyaar, kia tujhey karta hai koi?

    Mein jaanta hoon, yeh sab sawaal be tukey hein magar!
    Aik haqeeqat hai aur woh itni be tuki bhi nahi…!
    Terey wujood ko aik SAATH mayassar hai magar!
    Terey haathoon ko aik haath mayassar hai magar!
    Terey is jism ko aik jaan mayyassar hai magar!
    Magar main jaanta hoon hamnafas!
    Teri rooh aaj bhi, buhat hi pyaasi hai…
    Buhat hi pyaasi hai…..

  4. Awesome ghazal. But seriously, it’s a pain reading URDU in Roman english. Plus, I feel I can’t speed read on roman Urdu. Feels like I am reading word by word.

    Would love to see ghazals on this blog in actual URDU script.

    • kulsoom says:

      Thank you! Yes one of my 2014 resolutions is to embed Urdu Script in my poetry related posts :) Thanks for recommendation.

    • kulsoom says:

      Thank you! Yes one of my 2014 resolutions is to embed Urdu Script in my poetry related posts :) Thanks for recommendation.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s