Khuda ki hasti…

Mujhe sufiana shaairi mai bas yehi samjh aata hai ke Khuda hai. Uska wajood hai. Who aas paas hee kahen hai magar kabhi aata hai aur kabhi nahi aata. Usay bhi shayad shararat ka shoq ho hamari tarah. Jaise ham bachpan mai chhup jaya karte thay aik dusre ko tang kern eke lye, wese hee shayad khuda bhi hai. Magar khuda ko kuch seekhne ki ya shararat karne ki kia zarurat hai. Who tou sab janta hai. Phir kiyu wo hamse kehta hai ke dua karo. Shayad khuda ko yeh pasand hai ke ham usay pukaren. Ham usay communicate keren. See communication kitna important hai. Aur yeh communication kisi course ya kisi kitaab se parh ke nahi aata. Yeh tou bas dil se aata hai. Jiska jaisa khuda uska wesa raabta. Mujhe had darje yaqeen hai ke shayad is baat mai kaheen tazaad ho magar haqeeqat tou yeh hai ke mujhe tazaad ki koi parwah nahi. Mai apne khuda ka ilm rakhti hu aur tu apne khuda ka ilm rakhta hai.
Namaz mai buhat sukoon hai , had darje sukun hai. Magar namaz na parhne mai jo besukuni hai, wohi tou sukun ki jaanib le aati hai. Kia faaida ke insan saari umar namazi rahe aur sukun ki talash hee na karni pare. Asal maqsad e hayaat tou talash hai na bhai. Talaash-e- zaat, talaash-e-zavia. Talash-e-ishq.
Kehte hain insan ka dimagh parh parh ke kharab hota hai. Magar Bulle Shah tou kehte hain ke Parh parh ilm te faazil hoya. Te kaday apnay aap nu parhya ee na. Wese yeh buhat over rated gaana ho gaya hai. Magar agar is kalaam ki depth mai jaane ki koshish keren, tou andaza hoga key eh kalaam darasal kitna umda hai. Kitna eye opening hai. Mai tou shayad is baat ko samajh bhi nahi sakti. Aur shayad samajhna bhi na chahu. Kiu ke mai tou haar chuki hun. Apna dil, apna yaqeen, apna sab kuch. Aik insaan per.
Kabhi kabhi kisi majme mai insan aik chehra talash kerne ki koshish kerta hai. Aur kabhi kabhi usi chehre se insan dur bhagta hai. Jab ham akele waqt guzaari kerna chahte hain aur koi jaana pehchana insan hamare aage se guzarta hai tou kaafi ajeeb si kefiat hotee hai. Ke foran se yeh shakhs mujhse door ho jaye. Aur mai dobara apnee dunya mai magan ho ker likhna shuru ker du.

Loag, khuda, muhabbat, dost, sab aapas mai jure huay hain. Kisi aik taqat se. Samajh nahi aata ke aisa kia gravitational pull hai jo ham sab ko aik sath rakhta hai. Kaheen jaane nahi deta. Kabhi akela nahi rehne deta. Chahe ham jitna bhi akele rehne ki koshish keren, kuch na kuch hamare aas paas aa hee jata hai. Shayad yehi khuda ke hone ka saboot hai. Uski existence ka saboot.

Advertisements

6 thoughts on “Khuda ki hasti…

  1. jugatoo says:

    Mujay lagta that k ye sab mari he kafiyat hai….but ab lagta hai har insaan he kuch aisa talash karnay nikla hua hai jo us k apnay he andar hai.

    • kulsoom says:

      Thats exactly what I think :) Everything has been kept in place already. All we need is to find the right things at the right time.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s